االمشحاح
قالك وحد النهار واحد مشحاح طاحتلو 1دينار من فوق نزل من الدرج ما لقاهاش علاه ? نزل قبلها
السكران واحد سكران كان برة في الثلج لقاه صاحبو دخلو للدار على البرد وراح يجيبلو العشا كي رجع لقا حوايجو مشمخين قلو وين كنت قالو رحت جبت حوايجي و جيت
المريض
هدا واحد راح للطبيب عطالو الطبيب كاشي و قالو شربو مور القهوة المريض خرج عند الباب و رجع قالو معليش نشربو مور الريسطورو
- قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت
02-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم
******************
-03-قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
طاحة اومبان.
-04-قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
05-قالك مرة سائق الحافلة دار اغنية التيتانيك .....و افهم الباقي
الامنيات
صائدي الحشرات
كاين جماعة كانو في وسط الغابة يصطادو في "الحشرات"
وكان معاهم واحد حاصل في روحو " هزييييل "
خرج فيهم اسد
الجماعة كل هربو الا الحاصل في روحو حكمو الاسد
شاف فيه شوي
وقالو : حاشه نعمت ربي
الأحد فبراير 16, 2014 12:47 am من طرف 
